القلب لا ينسى , فى القلب ذاكرة دائمة

حقيقى مفيش حاجة اسمها قصة حياتنا لانها عمرها ما كانت قصة واحدة

او مرحلة واحدة او احساس واحد ثابت او شخص واحد نعرفه

او اتولدنا وفضلنا صغيرين مبنكبرش لا احنا اتولدنا وعشنا حسينا باول حد ضحكنا

واول حد بكانا و حسينا باهالينا و عرفناهم و خرجنا بره للدنيا

وقابلنا ناس منهم قرايب ومنهم اصحاب او اصدقاء قريبين مننا اوى

او حتى حبايب على مر السنين والحقيقة ان الموضوع مش دايما بيكون مقصود انه ييبقى
تعدد لعلاقتنا

او ان احنا نختار مين يدخل حياتنا لان كل الى بيقوله العقل بييجى فى لحظة
واحدة كل ده يلغيه القلب

بس احنا لما بنخلص مرحلة معينة او بننهى علاقة بنعتقد ان احنا هننسى

او ممكن ننسى بعد فترة حتى لو طالت لكن الحقيقة ان احنا مش بننسي احنا
بنتناسى وبنتجاهل

وبنبين غير الى جوه لكن قلوبنا بتفضل فاكرة و بتفضل حاسة كل ذكرى عشناها

وساعات كمان بنفتكرها بكل تفاصيلها يمكن نكابر او نحبس احاسيسنا

لكن كل حاجة محفورة كل لحظة صادقة عشناها من قلبنا سواء حزن او فرح

او حب او ألم او صداقة او اى شعور بيربطنا بالحياة

موجود فى مكان ما داخل كل دقة وكل نبضة من نبضاتنا وكل نفس بنتنفسه

القلب لا ينسى , فى القلب ذاكرة دائمة

القلوب لا تنسى