الشعر المجعد ومع انه ليكون شعر قوى وبيبرز ملامح الوش جدا
لكن من مساوئه انه للاسف بيكون احيانا هايش وجاف وصعب التسريح
واى اهمال فيه تأثيره بيكون مضاعف وبيضيع الشعر خالص
لكن انت تقدرى ترطبيه وتغذيه وتستخدمى وصفات وحاجات طبيعية عشان تنعميه
اول حاجة معانا والى معروفه عند ناس كتير هو خل التفاح منتج مضمون يقلل التموجات
وبينضف الشعر تقدرى تخلطيه بمية وتغسلي بيه شعرك بعد الشامبو تسيبيه شوية
وبعدين تشطفيه بماء بارد وتعملى الحركة دى من مرة لمرتين في الشهر
او استخدمى البيض لشعر صحى ورطب بتخفقي بيضة ومعاها زيت زيتون ومايونيز
وتحطى الخلطة على شعرك نص ساعة وبعدين تغسليه بماء بارد
او المياه الغازية ايوة الحاجة الساقعة تخلطيها بمية قدها
وتحطيها على شعرك وتغسليه بماء عادي بعدها
ممكن تستخدميه كذا مرة في الاسبوع
وممكن متغسليهوش تخففيه وتسيبيه ينشف عالشعر
او العسل بانك تضيفيه لزيت جوز الهند وتحطيه على شعرك وتدلكى فروة راسك
وبعد نص ساعة تغسلي شعرك بالشامبو وماء بارد وتعملى كده مرة في الاسبوع فقط
بالاضافه لبعض التعليمات وهى انك تستخدمى شامبو وبلسم وكريم مناسب لشعرك
ومتبليهوش كتير زيادة عن اللزوم عشان ميفقدش زيوته الطبيعية الى فيه
كمان بلاش ادوات ساخنة عالشعر من سيشوار ومكواة وغيره
لان ده هيزود تقصفه وتكسره وجفافه
خلطات لفرد الشعر المجعد , نصائح لتحصلى على شعر مفرود من صنعك
خلطة لفرد الشعور المجعدة
