قصة وعبرة دينية , بالقران الكريم يكتمل العدل

في الحقيقة احنا مش محتاجين نقرأ قصص لان حياتنا والناس حوالينا

قصص بما فيه الكفاية نتعلم منها وناخد منها الهدف ونحاول نطبق في حياتنا

لكن في قصص كتير في عصر الصحابة والرسول عليه الصلاة والسلام

كتير منا ميعرفهاش والقصة معانا ان كان في عهد عثمان بن عفان

رجل وامرأة تزوجوا وحملت ولكنها انجبت فى الشهر السادس

فاعتقدوا انها خاينة وحملت من غير زوجها وخدوها للخليفة عشان يحاكمها

وكان الامام على رضي الله عنه يجلس هناك وقال لهم مش من حقكم تحكموا عليها

بالخيانة لان ربنا قال في القرآن حمله وفصاله في ثلاثون شهرا

وقال الله تعالى ايضا الوالدات يرضعن  اولادهن حولين كاملين

يعنى الحمل والرضاعة ٣٠ شهر والرضاعة سنتين يعنى ٢٤ شهر

وده معناه ان ممكن فترة الحمل تكون ٦ شهور

العبرة هنا التسرع في الحكم على الناس واخلاقهم غلط

والحاجة التانية ان دايما الحلول موجودة في القرآن بس نفهمه كويس ونتدبره بكل ما تعنيه
الكلمة

واخيرا ان لكل قاعدة شواذ ومش شرط ان احنا اعتدنا على حاجة معينة

يبقي على اساسها نحكم على كل الناس ربنا خلقنا مختلفين ودى حكمة عظيمة سبحانه

القصة احيانا فصيرة لكن دايما العبرة كبيرة والعدل الكونى لا يكتمل الا بتعاليم القرآن الكريم
والسنة

قصة وعبرة دينية , بالقرآن الكريم يكتمل العدل

قصص وعبر دينية