الانجليزيه هى اللغه الاولى فى العالم الان و في الدول العربيه هي اللغه الاجنبيه
الاولى الكل مطالب دلوقتى انه يتعلم و يعرف انجليزي مينفعش تعرف تكتب انجليزي
و متعرفش تقرا و مينفعش تكتب انجليزي و تقراه و متعرفش تتحدث بيه بمهاره كانه
هو اصلا لغتك الام خلينا الاول نعرف ليه اصلا مطلوب منك تتعلم انجليزي لانه لو
انت
طالب ايا كانت مراحل تعليمك هتدرس انجليزي فى جميع مراحل التعليم فبالمره و
افيدلك اتعلمه صح و اقراه صح و مارسه كمان لانه هتحتاجه من اول الجامعه لحد
ما
تطلع معاش طب لو انت بتشتغل و عندك وظيفه لازم تطور نفسك فى اللغه لا
و فى
اكتر من لغه لان الدنيا حواليك بتتطور و لو مطورتش من نفسك هيكون فى غيرك
افضل
منك و ساعتها مديرك او مسئولك هيتنازل عنك بسهوله او هتقعد على جنب لمسئوليات
هتسند لغيرك طب ايه المجالات اللى محتاجه لغه لو سالنا السوال بشكل تاني
و قولنا ايه هى المجالات اللى مش محتاجه الانجليزي هيكون الرد اسهل و هو انه
مفيش
مجال مش محتاج انجليزي فى مجال التعليم و الصناعه و الزراعه و الكمبيوتر و الميديا
و
الاعلام و الشركات و المحاسبات كله طالب انجليزي و بمستويات عليا كمان طب و ايه
الحل
ادرس اللغه عادى جدا ده سهل كلنا اصلا دارسينها لكن عشان تنجح فيها و تقول
معايا لغه لازم
تتكلم الانجليزيه بطلاقه و ده لازم له خطوات بسيطه جدا اول خطوه انك تمارس اللغه
يوميا يعني
تتكلم انجليزي كل يوم في بيتك و شغلك و النادى و الجامعه و مع اهلك
عادى و طبعا هتتحمل قصاد
ده حاجات كتير لكن هتوصل فى الاخر ثاني خطوه تسمع انجليزي كتير من اغاني او
افلام اجنبيه مترجمه
اولا و بعد كده غير مترجمه عشان تنمي مهاره الاستماع عندك و بعدها تلاقى نفسك
بتتكلم و بترد
بالانجليزيه متنساش من البدايه تسمع لحد بينطق صح و تتعلمها من اولها صح و لو
فى حاجه
غلط صححها من البداية و هتلاقى سهل فى النهايه وكده تبقي هتحكيها زى العربي بكام
خطوه وبس
