قم للمعلم اه طبعا لازم نبجل اكبر مصدر لمعارفنا وتعليمنا و عشان المعلم ليه كل
المكانة دى
كان لازم برده نوجهه ازاى يتعامل مع الطلبة لو كان لسه مبتدئ او مش ملم
ببعض الامور
اول حاجة لازم يكون عندك الجرأة و الحنكة في نفس الوقت عشان تقدر تتعامل مع
تلامذتك
تانى حاجة لازم تؤمن بالرسالة الى انت بتأديها وبأهميتها مش بس للطالب ده للمجتمع كله
لازم يكون عندك صدر رخب و قوة تحمل عشان تقدر تستوعب جميع اصناف و شخصيات
الطلاب
لازم تؤمن بقدرات الطلبة وتكون قابل للتغير والتكيف وتستخدم اساليب مختلفة
عشان تقدر توصل لمستويات كل الطلاب لازم تحضر الدرس
وتجهز طرق الشرح الى هتستخدمها و لازم تحفظ اسماء كل التلاميذ عشان تكون
مميز عندهم وقريب ليهم و لازم تنجح و تكون قدوة ليهم في كل حاجة
مش التعليم بس و الدروس النظرية لكن حتى في السلوكيات و التعاملات اليومية
كمان لازم تكون قادر تتحكم في انفعالاتك و يبقي ليك حس الفكاهة معاهم
وفي نفس الوقت تحافظ على الحدود بينكم و تقدر تسيطر عليهم
و توصل لقلوبهم و تعلمهم اداب الحوار و المناقشات الهادفة
نصائح للمعلم المبتدئ , لتكن المعلم الناجح و القدوة
نصيحة للمعلمين المبتدئين
