الصداقة لما بتكون حقيقية بتبقي احلى من كل حاجة تانية
وبتحلى كل شعور بنحس بيه لانه بيكون محفوف بالمشاركة والاطمئنان
واحساسنا بالامان ان في حد بيشيل معانا مشاعرنا الجيدة او السيئة
والقصة النهارده مليانة بحزن وفرح والم وسعادة من كل حاجة وعكسها قصة كارمن ولارا
كان في بنتين من بداية النشأ كانوا دايما سوا وكل مرحلة عاشوها بكل تفاصيلها مع
بعض
مفيش بينهم اى مكان للحقد او الغيرة او الحاجات الى بنسمع عنها
وطبعا مرت كل واحدة بظروف مختلفة تماما عن التانية
فاحداهما كارمن تزوجت قبل الاخرى ولكنها بعد مده انفصلت عن زوجها
وفي الفترة دى صحبتها كانت بتخرجها وتفضل عندها كتير عشان تخفف عنها
وهى كمان كانت باربطها علاقة حب بصديق وحصلت بينهم مشاكل كبيرة
وقرروا يسيبوا بعض لكن صاحبتها المنفصلة عارفه قد ايه هى بتحبه
فسابت كل احزانها وراها وقابلت حبيب صحبتها وقدرت انها ترجعهم لبعض
مقالتش خلينى في الى انا فيه لكن اصرت تسعد صحبتها الوحيدة
ومرت الايام واتعرفت كارمن على رجل جديد دخل حياتها وبدأت تحبه
وتنسي بيه الماضي وهو كمان قرر يختارها ويكمل معاها
وفعلا اتجوزت كارمن لتانى مرة بس المرادى هى متفائلة اكتر
بدأت لارا تختفي كتيىر وطبعا دا لانها بدأت تحضر لجوازها هى كمان
كارمن كانت عايزة تجوز في كل هدوء لانها منفصلة قبل كده
كلهم وافقوها في الرأي الا لارا الى كانت محضرة احلى حفلة ليها في البيت
وفاجئتها بيه وعرفت تدخل السعادة تانى قلب كارمن وعدت ايام بعد جواز كارمن
ايه ده حامل قررت لارا تخلى بالها من كارمن في كل حركاتها وتعمل بدالها حاجة
وكانت فرحانه ودايما تقول لكارمن ان دى بنتها برده ومرت الشهور وخلصت تجهيزات فرح لارا
وحضرت كارمن نفسها للفرح ولبست احلى حاجة عندها لكن للاسف دايما في حاجة لازم
ترخم علينا وحست كارمن بالام الطلق وصديقتها لارا مستنياها وعينيها على الكل
بتدور على حبيبة قلبها وحلو حياتها كارمن لكن للاسف فضلت كده لحد ما خدت تليفون
واتصلت بيها مردتش
وعشان جوز كارمن مكانش معاها لما مردتش عليها خدت قرار مش ممكن اى صاحبة تاخده
قررت تسيب فرحها وتدور على صحبتها كانت خايفة عليها يكون حصلها حاجه
او الحمل لانه كان تاعبها جدا وفعلا لقتها تعبانه جدا وفقدت توازنها
وبسرعة خدت لارا كارمن المستشفي واتصلت بجوزها وفضلت قاعده معاها لحد ما جابت بنوتة جميلة
سابت فرحها اكتر يوم كل بنت بتستناه عشان خاطر صديقة عمرها
دخلت لارا بكل لهفة على كارمن مكنتش عارفه ازاى تردلها الجميل
لكن فاجئت لارا بانها سمت بنتها على اسمها و بقي فيه لارا صغيرة
قصة عن الصداقة الحقيقية , فستان الزفاف
قصص عن الصداقة الحقيقية
